Nazty Dynazty ni Migz Zubiri

Kilala si Migz Zubiri bilang isa sa mga “Spice Boys”, ang mga Congressman na mula sa iba’t ibang dynastic family sa bansa na nakatuwang ni Pang. Gloria Macapagal-Arroyo sa pagpapatalsik kay Pang. Erap Estrada.

Pero ang hindi alam ng nakararami ay wala naman pinagkaiba si Migz sa karamihan ng mga pulitiko sa bansa dahil siya ay nagmula sa Zubiri Dynasty ng Bukidnon.

Kahit na ano pa ang sabihin ng mga politikong ito, isa lang ang hangarin nila at ito ay manatili sa kapangyarihan upang manatiling hawak ang impluwensiya at maitaguyod ang sariling interes at interes ng kanilang mga pamilya.

At upang masinagan natin ang lawak ng Zubiri Dynasty, makikita sa ibaba ang iba’t ibang posisyong hinawakan ng mga Zubiri.

Name:	Assemblyman (Marcos time)	Congressman (Bukidnon 3rd District)	Governor	Vice Governor	Senate
Jose Ma. R. Zubiri Jr. (ama)	1984-86	1987-1998 (3 terms)	2003-2010 (3 terms)	2010-2013
Juan Miguel Zubiri		1998-2007 (3 terms)			2007-2011
Jose Zubiri III		2007-2013 (2 terms)

Kitang-kita kung gaano kagahaman sa kapangyarihan ang mga Zubiri nang mapilitang magbitiw ni Migz bilang senador noong 2011. Kaysa kasi lalong mapahiya dahil nanalo si Sen. Koko Pimentel sa kanyang electoral protest ay nagbitiw na lamang si Migz, na hindi pa rin umamin na may kinalaman siya sa pandaraya.

Kamalmuks di ba?

Alam naman nating makapal ang mukha ni Migz. Pero ang hindi natin alam ay kung gaano ito kakapal.

Nabatid nating lubhang makapal ang kanyang mukha nang madesisyong muling tumakbo sa pagka-senador sa darating na Mayo.
 
May kasabihan na ang “Sinungaling ay kapatid ng magnanakaw”.

At tiyak akong ang tinutukoy ng kasabihang ito ay si Migz, na sa isang banda ay nakakabilib din.

Hindi umamin kahit buko na at may gana pang ihandog ang sarili sa taong bayan sa paparating na halalan.

Ito ay sa kabila na niloko niya ang bayan sa tulong ng kakutsabang si Pang. Gloria Macapagal-Arroyo na nag-utos naman kay Zaldy Ampatuan na ibigay ang mga boto ni Koko kay Migz.

Isa sa mga characters ng mga Dynastic Families ay ang maging “political butterfly” upang manatili sa kapangyarihan.

At ito ay kitang-kita sa mga Zubiri, lalong lalo na kay Migz na mula 1998 hanggang 2011 ay bahagi ng Lakas/CMD/Lakas-Kampi/CMD coalition. Nang bumagsak ang partidong ito, kumalas si Migz noong 2011-2012 at ngayon naman ay sumama sa PMP-UNA coalition

Isa pang tawag dito ay self-preservation. Lipat-lipat ng partido kung saan puwedeng tumabo at manatili sa puwesto.

Ito si Migz, ito ang Zubiri Dynazty.